Eduki nagusira joa

Nabigazio-menura joan

 
Culinary sevilla

 

Culinary Action! Sevillan izango da 2015eko maiatzaren 18an, astelehenean. Tailerrak sukaldari eta ostalari ekintzaileen kasu arrakastatsuak aztertzea izango du helburu, eta protagonistek beren esperientzia kontatuko dute, negozioen jabe eta/edo kudeatzaile gisa, enpresari-eginkizuna beren gain hartu duten chefak diren aldetik.

Bartzelonan izan ostean, egun bateko jardunaldi horrek Sevillan egingo du 2015eko lehen geldialdia, Culinary Action! Sevilla gisa. Txosten bakoitzak hogei minutu inguruko iraupena izango du, eta sei chefek beren negozioen enpresari eta ekintzaile gisa izan duten esperientzia azalduko dute sei txostenetan. Gainera, hiru hizketa-saio tematiko egingo dira taldeka, ostalaritza arloko kudeaketan eta ekintzailetzan adituak diren pertsonen gidaritzapean.

Programa

09:15. Bertaratuen harrera

09:30-10:00. Inaugurazioa / sarrera

10:00-11:30. KASU PRAKTIKOAK: 3 chef ekintzaile goi-sukaldaritzan

(20-25 minutu txosten bakoitzeko)

10:00-10:30. Dani García. Dani García Jatetxea (Marbella)

10:30-11:00. Paco Morales. Noor (Kordoba)

11:00-11:30. José Carlos García. José Carlos García (Málaga)

11:30-12:00. Kafea

12:00-14:00. TAILER TEMATIKOAK (sektoreko adituen eskutik)

Negozio berri bat abian jartzearekin lotutako hiru tailer dinamiko

1) Ekin eta ostalaritza-negozio bat irekitzeko legezko gomendioak eta sektorean kontratatzeko jarraibideak. Fernando Huidobro

2) Kudeaketa ekonomikoa eta marketina ostalaritzan. David Serrano.

3) Marketina / Sare sozialak ostalaritzan. Xabier de la Maza

14:00-15:30. Bazkaltzeko atsedenaldia. Cocktail ofrecido por la Escuela de hostelería Gambrinus

15:30-17:00. KASU PRAKTIKOAK: Negozio-kontzeptu desberdinak dituzten 3 chef ekintzaile (20-25 minutu txosten bakoitzeko)

15:30-16:00. Diego Gallegos. Sollo (Fuengirola)

16:00-16:30. Mario Ríos eta Curro Noriega. Besana Tapas (Utrera)

16:30-17:00. Laura López eta José Fuentes. Trasteo (Zahara de los Atunes)

17:00-17:30. Mahai-ingurua / Amaierako galderak arratsaldeko 3 sukaldariekin

17:30-18:00. Tailerraren ondorioak

Sukaldari Hizlariak

Bazkide gisa egin zuten lehen proiektua Albedrío izan zen. Hark lau urtez funtzionatu zuen, 2012ko udazkenera arte, Zahara de los Atunes udalerrian. Cádizko udalerri horretan, aurretiaz hainbat jatetxetan jardundako ekintzaile horiek Trasteo jarri zuten martxan hilabete batzuk geroago, aurreko lokalaren ildo beretik jarraituz: ukitu exotikoekin fusionatutako sukaldaritza andaluziarra.

Curro Noriega eta Mario Ríos, Besana Tapas ireki zuten 2010ean, Utrerako (Sevilla) juduen auzoan. Proiektu horrek pintxo-tabernaren formatua du, eta sukaldaritza andaluziar eguneratuan eta taberna-filosofian oinarritzen da. 2014ko udan, “gastroenpresari” horiek bigarren lokala ireki zuten: La Fábrica, Sevillan.

“Kabiarraren Chef” gisa ezaguna den sukaldari honek gaizkataren inguruko "superespezializazioa" aukeratu du, Urrezko Mendean "sollo" gisa ezaguna, eta hortik dator, hain zuzen, bere jatetxearen izena. Sukaldariak Granadako Río Frío gisako arrain-haztegi ekologikoetan hazten den arrain prehistoriko horren eta haren arraben (kabiarra) inguruko ibai-sukaldaritzaren aldeko apustua egin du. 

Ostalari-familia bateko kide da, eta bere gurasoekin eman zituen bere lehen urratsak sukaldari gisa. Hainbat ikastetxe eta gune gastronomikotan ikasi ostean, José Carlos Garcíak bere enpresa-proiektua ireki zuen Málagan, bere izena daraman eta Michelin izar bat duen jatetxean.

Mugaritz eta elBulli jatetxeetan ikasi eta Madriletik eta Bocairent udalerrik igaro ostean (Paco Morales Jatetxeak Michelin izar bat lortu zuen bertan), Paco Morales guztiz pertsonala den eta hemendik hilabete batzuetara bere jaioterrian, Kordoban, abiaraziko den proiektu batean murgilduta dago gaur egun. Noor jatetxeak jatetxe gastronomikoa eta eremu sortzailea bateratuko ditu, eta ardatz estrategiko hau izango du: sukaldaritza andalustarrean duen espezializazioa.

Abangoardiako sukaldaritza andaluziarraren funtsezko sukaldari honek Ronda eta Marbella artean garatu du bere karrera profesionala. Duela urtebete baino zertxobait gehiago, Puente Romano Hotelera lekualdatu eta Dani García Jatetxea ireki zuen bertan. Bi Michelin izar dituen gune gastronomiko horrek sukaldariaren egoitza nagusi gisa jarduten du, eta Bibo jatetxea, ordea, “casual” eskaintzako bistro bat da. Gainera, catering eta ekitaldietarako norbere negozioa du.

Eman Izena

Inscríbete a este taller gratuito enviando un email con tus datos (nombre, apellidos, teléfono) a
culinaryaction@bculinary.com

Lugar:
Avda. de Andalucía 1, 41007 Sevilla (Antigua Fábrica de Cruzcampo)

Resumen

Culinary Action Sevilla, 6 ekimenen berri eta 3 adituren aholkuak

Basque Culinary Centerrek tailerra egin du 2015eko maiatzaren 18an Sevillan, Gambrinus-Heineken eskolan, Andaluzian arrakasta izan duten sukaldari eta ostalari ekintzaileen 6 ekimen aztertzeko: Dani García (Dani García Restaurante), Paco Morales (Noor), José Carlos García (José Carlos García), Diego Gallegos (Sollo), Curro Noriega eta Mario Ríos (Besana Tapas), eta Laura López eta José Fuentes (Trasteo). Egitaraua osatzeko, talde dinamikako hiru tailer egin dituzte, ekintzailetzako eta ostalaritza-kudeaketako adituen gidaritzapean. Horietan, ostalaritzan ekiteko lege-aholkuak, kudeaketa ekonomikoa, marketina eta sare sozialak izan dituzte aztergai.

CULINARY ACTION SEVILLA EKIMENEAN ONDORIOZTATUTAKOAK: EKITEKO 10 IDEIA

1.. Gastronomiako negozioek parametro ugari eta kontrolaezinak dituztenez, ez dago arrakastarako errezeta magikorik.

2.. Gastronomiaren lanbidean, negozioan edo sektorean, giza faktorea erabakigarria da.

3.. Edozein esparru pertsonaletan, norberak egiten duen horretan sinistu beharra dago. Porrot egitean altxatu eta aurrera begiratu behar da, arrazoiak aztertu eta ikasitakoa indarrean jarri. Amets egin, erori eta altxatu beharra dago beti.

4.. Negozio bat abian jartzeko galdetu eta aholkua jasobehar dugu. Zalantzak izatea ez da lotsagarria. Gastronomian ekiteko, galdetzea da hartu beharreko jarrera.

5.. Goi sukaldaritzako sukaldaria espezie berria da, lanbide berria, eta arrakasta profesionala beti ez dator bat enpresa-arrakastarekin.

6.. Ez da egia goi sukaldaritza errentagarria ez denik, sektoreko eragile guztien artean bultzatutako mitoa da, badirudi goi gastronomia errentagarri ez izatea nahi dugula.

7. Ostalaritza-negozioa abian jartzeko sozietatea sortzeko orduan, inbertsioak iraun dezan nahi badugu, komenigarria da arteko akordioa, sinatzea, hau da, bazkide bakoitzaren egitekoak, eskubideak eta betebeharrak argi eta garbi jasoko dituen ituna.

8.. Targeta, publikoa, bezeroa, negozioaren inspirazio-iturri, nagusia da, baita ostalaritzan ere.

9.. Erabakiak soseguz hartu behar dira, baina horrek ez du esan nahi arriskatu behar ez dugunik. Ekintzaileak arriskuakonartzen ez baditu, azkenean ez du aurrera egingo. Nolanahi ere, ekintzailea batez ere bere buruaren mende dago.

10.. Jende guztiak ditu aukera berberak. Zortearen kontua ere hor dago, baina prest egon behar dugu horri heltzeko.

Informazione gehiago..

CULINARY ACTION SEVILLA Mayo 2015

Galería de fotos

CA! Sevilla

Harremanetarako

Basque Culinary Center

Paseo Juan Avelino Barriola, 101
20009 Donostia - San Sebastián (Gipuzkoa)
Tlf. 943 574 500 | Fax: 943 574 502
Latitud GPS: N 43º17'15.39"
Longitud GPS: W 1º59'14.13"
FORMULARIO DE CONSULTA

Antolatzaileak

Basque Culinary Center Gastroeconomy

 

Kolaboratzaileak

Heineken Escuela Hosteleria Gambrinus